Como empregar un paraugas

Hoxe despois do xantar puxen rumbo a clase, son aproximadamente 10 minutos andando, ou coma digo eu 2 cancions e media no mp3. Cando saín da casa a penas caían catro gotas, pero a cousa foi increscendo até chegar a puntos que era bastante forte. Na miña man esquerda, a miña carpeta (ou cartafol se o preferides), na miña man dereita, nada, que non levaba paraugas vamos. Unha persoa sen paraugas digamos que vai tentanto atopar os sitios por onde chegará máis seco ó seu destino. Uns soportais ou unha fachada sobresaínte dun edificio chegan pra escapar das chuvia que a cotío visitan o noso país.

E agora aquí chega o grave. ¿qué pasa cos que levan ese utensilio que serve pra parar as gotas? iso que chamamos paraugas? que pasa con esa xente? deberían ter libertade de movementos, sempre e cando o vento non fora moi forte. POIS NOOOOOOOOON teñen que ir pola cornisa coma a xente que non ten con que cubrirse, e inda por riba se coincides con eles, teste que apartar ti!!! Deberíanlle poñer multas a xente que con paraugas vai polos sitios onde non chove. Tampouco digo que os botemos ás piscinas, pero que teñan un pouco de consideración, eu cando o levo vou polo medio da acera.

O peor e si te toca unha destas señoras que protestan por todo.... ahí é cando pides que cando voltes a casa, non chova.