Acatar Ou Non

O Inadaptado do norte agarda a chegada das clases -outra vez- para ver se xurdiu efecto ou certo efecto o seu plan.

As noticias pouco alentadoras da véspera anterior fan que na súa cabeza haxa un debate ¿Acatar ou non acatar? esa é a cuestión.

Se o Inadaptado acata a decisión, caerá no lado escuro da sociedade, no "normalismo" e porase no límite entre o inadaptado e o adaptado. Pola contra se o Inadaptado non acata a decisión, verase reforzada a súa teoría triste sobre a sociedade, máis saíra outra vez victorioso.

Cada decisión ten unha parte boa e outra mala. A vida está chea de decisións pero unha coma esta non se toma tódolos días. É posible que ante min teña dúas portas que leven a dous caminos totalmente diverxente, ou se cadra estes vólvense atopar máis adiante.

Nos momentos de crise de identidade un busca achegarse ó máis fácil para poder subsistir, espero pois non caer na tentación disto e alonxarme.

Que a forza inadaptada me acompañe....